Syri gjak po më pikon
Zemra ime është pikëlluar
Rini ndalu ku po shkon
Zotin pse e ke harruar.
A su ngope me shfrenime
Jetë të quar pa kuptim
Kohë e humbur janë këto çaste
Fundin e ke veç dëshpërim.
Kthehu ti nga ardhmëria
Zgjohu,zgjohu oj rini
Lëri veset e këqia
Se kjo rrugë nuk është për ty.
Ti je ardhmëria e këtij ymeti
Ti je shpresa që na mban
Ti je drita e këtij vendi
Sytë në ju,të gjithë i kanë.
Ardhmëria është Islami
Zoti siç na ka mësuar
Rruga e dritës është Kur'ani
Pejgamberi ka këshilluar.
No comments:
Post a Comment